ក្រុមការងារ ស.ស.យ.ក. ចុះជួយឃុំព្រែកជ្រៃ ចុះជួបសំណេះសំណាល និងសិក្សាគម្រោងសាងសង់ស្នាក់ការថ្មី

ក្រុមការងារ ស.ស.យ.ក. ចុះជួយឃុំព្រែកជ្រៃ ចុះជួបសំណេះសំណាល និងសិក្សាគម្រោងសាងសង់ស្នាក់ការថ្មី ដើម្បីពង្រឹងសកម្មភាពយុវជនក្នុងមូលដ្ឋាន

នៅថ្ងៃសៅរ៍ ៤រោច ខែផល្គុន ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី៧ ខែមីនា ឆ្នាំ២០២៦ លោក ម៉ម ដារ៉េត ប្រធានក្រុមការងារ ស.ស.យ.ក. ចុះជួយឃុំព្រែកជ្រៃ ព្រមទាំងលោកអនុប្រធាន និងសមាជិក បានអញ្ជើញចុះជួបសំណេះសំណាលជាមួយ ស.ស.យ.ក. ថ្នាក់ឃុំ និងចូលជួបសម្តែងការគួរសមជាមួយលោកមេឃុំព្រែកជ្រៃ។

ក្នុងឱកាសនោះ ក្រុមការងារបានណែនាំ និងបង្ហាញសមាសភាពក្រុមការងារចុះជួយឃុំព្រែកជ្រៃ ព្រមទាំងទទួលយកនូវការណែនាំ និងអនុសាសន៍ល្អៗពីសំណាក់អាជ្ញាធរដែនដី ក៏ដូចជាប្រធានក្រុមការងារ ស.ស.យ.ក. ឃុំផងដែរ។ បន្ថែមពីនេះ ក្រុមការងារក៏បានចុះពិនិត្យមើលទីតាំងភូមិសាស្ត្រជាក់ស្តែង ដើម្បីសិក្សា និងរៀបចំផែនការស្នើសុំគោលការណ៍ពីថ្នាក់ដឹកនាំ លើគម្រោងសាងសង់ស្នាក់ការ ស.ស.យ.ក. ឃុំព្រែកជ្រៃ នាពេលខាងមុខ។

ស.ស.យ.ក.​ ឃុំព្រែកជ្រៃ​ ស្រុកពោធិ៍រៀង, ថ្ងៃសៅរ៍ ៤រោច ខែផល្គុន ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី៧ ខែមីនា ឆ្នាំ២០២៦៖

ក្រោមស្មារតីសាមគ្គីភាព និងការយកចិត្តទុកដាក់ខ្ពស់ចំពោះចលនាយុវជននៅតាមមូលដ្ឋាន លោក ម៉ម ដារ៉េត ប្រធានក្រុមការងារសហភាពសហព័ន្ធយុវជនកម្ពុជា (ស.ស.យ.ក.) ចុះជួយឃុំព្រែកជ្រៃ បានដឹកនាំសហការី ដែលជាអនុប្រធាន និងសមាជិកក្រុមការងារ អញ្ជើញចុះបំពេញបេសកកម្មការងារ និងសំណេះសំណាលក្នុងភូមិសាស្ត្រឃុំព្រែកជ្រៃ។

១. ការពង្រឹងរចនាសម្ព័ន្ធ និងបង្ហាញសមាសភាពក្រុមការងារ

ក្នុងឱកាសដ៏មានអត្ថន័យនេះ លោកប្រធានក្រុមការងារ និងសហការី បានអញ្ជើញជួបសំណេះសំណាលយ៉ាងស្និទ្ធស្នាលជាមួយបងប្អូនសមាជិក ស.ស.យ.ក. ថ្នាក់ឃុំ។ កិច្ចជំនួបនេះធ្វើឡើងក្នុងគោលបំណងបង្ហាញសមាសភាពក្រុមការងារចុះជួយឃុំព្រែកជ្រៃ ដែលទើបតែត្រូវបានរៀបចំឡើង ដើម្បីបង្កើនទំនាក់ទំនងកាន់តែជិតស្និទ្ធ និងស្វែងយល់ពីស្ថានភាពការងារយុវជននៅក្នុងមូលដ្ឋានឱ្យកាន់តែច្បាស់លាស់។

២. ការសម្តែងការគួរសម និងទទួលអនុសាសន៍ពីអាជ្ញាធរដែនដី

បន្ទាប់មក លោក ម៉ម ដារ៉េត ក៏បានដឹកនាំក្រុមការងារចូលជួបសម្តែងការគួរសមជាមួយ លោកមេឃុំព្រែកជ្រៃ ដើម្បីរាយការណ៍ពីសកម្មភាពការងារ និងស្នើសុំការណែនាំ តម្រង់ទិស ក៏ដូចជាអនុសាសន៍ល្អៗមួយចំនួនពីអាជ្ញាធរដែនដី និងប្រធានក្រុមការងារ ស.ស.យ.ក ឃុំ។ ការពិភាក្សានេះ ផ្ដោតសំខាន់លើការធ្វើសមាហរណកម្មការងារយុវជន ឱ្យស្របទៅនឹងគោលនយោបាយអភិវឌ្ឍន៍ឃុំ-សង្កាត់ ដើម្បីបម្រើផលប្រយោជន៍ជូនដល់ប្រជាពលរដ្ឋ និងយុវជនក្នុងមូលដ្ឋាន។

៣. ការចុះសិក្សាភូមិសាស្ត្រ និងគម្រោងសាងសង់ស្នាក់ការ

ជាកិច្ចបន្ត ក្រុមការងារបានចុះពិនិត្យមើលស្ថានភាពភូមិសាស្ត្រជាក់ស្តែងនៅក្នុងឃុំ ដើម្បីសិក្សាស្វែងរកទីតាំងសមស្រប ក្នុងការរៀបចំផែនការស្នើសុំគោលការណ៍ពីថ្នាក់ដឹកនាំ ដើម្បីសាងសង់ ស្នាក់ការ ស.ស.យ.ក. ឃុំព្រែកជ្រៃ។ គម្រោងសាងសង់ស្នាក់ការនេះ នឹងក្លាយជាសមិទ្ធផលថ្មីមួយសម្រាប់៖

• ជាកន្លែងសម្រាប់ប្រមូលផ្តុំយុវជនដើម្បីធ្វើការងារសង្គម។

• ជាមជ្ឈមណ្ឌលសម្របសម្រួលសកម្មភាព និងកិច្ចប្រជុំនានារបស់សមាជិក ស.ស.យ.ក. ក្នុងឃុំ។

• បង្កើនប្រសិទ្ធភាពក្នុងការបម្រើសេវាកម្មយុវជន និងសហគមន៍។

សកម្មភាពនាថ្ងៃនេះ បានបង្ហាញឱ្យឃើញពីការប្តេជ្ញាចិត្តយ៉ាងមោះមុតរបស់ក្រុមការងារ ស.ស.យ.ក. ចុះជួយឃុំព្រែកជ្រៃ ក្នុងការចូលរួមចំណែកកសាងសមិទ្ធផលរូបវន្ត និងពង្រឹងស្មារតីយុវជន “លះបង់ដើម្បីបុព្វហេតុជាតិ និងមាតុភូមិ” ឱ្យកាន់តែរឹងមាំបន្ថែមទៀត។